📣 Centrum Air aviakompaniyasining rasmiy murojaati ❗️

So‘nggi paytlarda firibgarlik holatlari qayd etilmoqda: uchinchi shaxslar yo‘lovchilar bilan bog‘lanib, o‘zlarini qo‘llab-quvvatlash xizmati yoki call-markaz xodimi sifatida tanishtirmoqda.

Rasmiy ravishda ma’lum qilamiz: Centrum Air qo‘llab-quvvatlash xizmati vakillari hech qachon shaxsiy xabarlarda yoki telefon orqali bank kartasi raqami, CVV/CVC-kodlar, SMS orqali kelgan tasdiqlash kodlari va boshqa to‘lov ma’lumotlarini so‘ramaydi.

Xodimlarimiz pasport ma’lumot va shaxsiy axborotlarni faqat siz o‘zingiz rasmiy @CentrumAir_C6 akkaunti orqali qo‘llab-quvvatlash xizmatiga murojaat qilganingizda so‘rashi mumkin.

Agar boshqa profildan shubhali xabar olsangiz, iltimos, yozishmaga kirmang va shaxsiy yoki to‘lov ma’lumotlarini bermang, shuningdek, darhol aviakompaniyaning rasmiy kanallari administratorlariga xabar bering.

Centrum Air yo‘lovchilar xavfsizligiga katta e’tibor beradi va hushyor bo‘lishga chaqiradi. Ishonchingiz va hamkorligingiz uchun minnatdormiz.
@centrumair_speaking

Перевод в комментарии👇🏻